春江曲
《春江曲》Tshun-kang Khik
嬌英Kiau-ing
——————————————
春風微微送春意
tshun-hong bî-bî sàng tshun-ì
江中的水暗暗滇
kang-tiong ê tsuí àm-àm tīnn
翻來覆去想袂離
huan-lâi hok-khì siūnn buē-lī
悶坐房中無了時
būn tsēr pâng-tiong bô-liáu-sî
來
lâi
來去遊江洗相思
lâi-khì iû-kang sué siunn-si
身坐小船欲遊江
sin tsēr sió-tsûn beh iû-kang
暝半江邊燈火紅
mî-puànn kang-pinn ting-hé âng
船仔被水流振動
tsûn-á pī tsuí lâu tín-tāng
萬種憂愁集規人
bān-tsióng iu-tshiû tsi̍p kui-lâng
流
lâu
流盡滿腹的苦痛
lâu tsīn muá-pak ê khóo-thàng
天頂的星光茫茫
thinn-tíng ê tshinn kng-bâng-bâng
月出東山半面紅
ge̍h tshut tang-san puànn-bīn âng
流水無聲點點動
lâu-tsuí bô-siann tiám-tiám tāng
風送相思予別人
hong sàng siunn-si hōo pa̍t-lâng
春
tshun
春風無離開春江
tshun-hong bô lī-khui tshun-kang
