工場歌
《工場歌》Kang-tiûnn Kua
鄭琇月Tēnn Siù-gua̍t
——————————————
手提包袱欲起行
tshiú the̍h pau-ho̍k bueh khí-kiânn
啊爸母交代兩三聲
ah pē-bú kau-tài nn̄g-sann siann
去到工場愛拍拚
khì-kàu kang-tiûnn ài phah-piànn
啊老板的話著愛聽
ah láu-pán ê uē tio̍h-ài thiann
來到公司大門口
lâi-kàu kong-si tuā-mn̂g-kháu
啊工廠守衛咧等候
ah kang-tshiúnn siú-uē teh tán-hāu
向著阿伯來頕頭
hiòng tio̍h a-peh lâi tìm-thâu
啊請恁今後多指教
ah tshiánn lín kim-āu to tsí-kàu
班長對阮笑微微
pan-tiúnn tuì gún tshiò bî-bî
啊教阮怎樣扞機器
ah kà gún tsuánn-iūnn huānn ki-khì
啊吩咐三閣吩咐四
ah huan-hù sann koh huan-hù sì
吩咐工作愛細膩
huan-hù kang-tsok ài suè-jī
日班中班大夜班
ji̍t-pan tiong-pan tuā-iā-pan
等無約會的時間
tán bô iok-huē ê sî-kan
毋是激氣假大範
m̄-sī kik-khuì ké tuā-pān
實在請假真困難
si̍t-tsāi tshíng-ká tsin khùn-lân
佮伊約會倉庫邊
kah i iok-huē tshng-khòo pinn
啊拄著廠長來巡更
ah tú-tio̍h tshiúnn-tiúnn lâi sûn-kinn
啊越頭欲走別位去
ah ua̍t-thâu beh tsáu pa̍t-uī khì
煞來拄著總經理
suah lâi tú-tio̍h tsóng-king-lí
踮在宿舍真無聊
tiàm-tsāi sok-sià tsin bô-liâu
啊家己一人睏手曲
ah ka-kī tsi̍t-lâng khùn tshiú-khiau
欲寫情批苦未了
bueh siá tsîng-phue khóo buē-liáu
批紙搙甲皺皺皺
phue-tsuá jio̍k kah jia̋u-jiâu-jiâu
諸位頭家董事長
tsu-uī thâu-ke táng-sū-tiúnn
啊你若遮?開工場
ah lí nā tsiah gâu khui kang-tiûnn
望恁好心來主張
bāng lín hó-sim lâi tsú-tiunn
啊過年獎金加減賞
ah kuè-nî tsióng-kim ke-kiám siúnn
朋友同事你佮我
pîng-iú tông-sū lí kah guá
有緣工作來做伴
ū-iân kang-tsok lâi tsuè-phuānn
逐家來唱工場歌
ta̍k-ke lâi tshiùnn kang-tiûnn kua
啊工場也是好生活
ah kang-tiûnn iā-sī hó sing-ua̍h
