寒夜伴孤燈
《寒夜伴孤燈》Hân-iā Phuānn Koo-ting
鄭琇月Tēnn Siù-gua̍t
——————————————
夜半三更霜風冷
iā-puànn sann-kinn sng-hong líng
倚在窗邊想早前
uá tsāi thang-pinn siūnn tsá-tsîng
情場坎坷多演變
tsîng-tiûnn khám-khia̍t to ián-piàn
幸福轉眼變雲煙
hīng-hok tsuán-gán piàn hûn-ian
寒夜孤燈伴秋風
hân-iā koo-ting phuānn tshiu-hong
窗外月影輕移動
thang-guā ge̍h-iánn khin î-tōng
痴情等待阮情郎
tshi-tsîng tán-thāi gún tsîng-lông
希望會得再相逢
hi-bāng ē-tit tsài siong-hông
坐在眠床半䖙倒
tsē tsāi bîn-tshn̂g puànn the-tó
較想也是阮親哥
khah siūnn iā-sī gún tshin-ko
一去音信全然無
it-khì im-sìn tsuân-jiân bô
叫阮怎樣心袂慒
kiò gún tsuánn-iūnn sim buē tso
