人生可比是舞臺
《人生可比是舞臺》Jîn-sing Khó-pí sī Bú-tâi
鄭琇月Tēnn Siù-gua̍t
——————————————
柏玉雙官家的小姐
Pik Gio̍k-song kuann-ka ê sió-tsiá
堅心守節毋變卦
kian-sim siú-tsiat m̄ piàn-kuà
毋願後母來折磨
m̄-guān āu-bú lâi tsiat-buâ
娘?才著相?行
niû kán tsiah tio̍h sio-tshuā kiânn
千里迢迢
tshian-lí tiâu-tiâu
盤山過嶺
puânn-suann kuè-niá
離開溫暖粉粧樓
lī-khui un-luán hún-tsong-lâu
四界奔波受風寒
sì-kè phun-pho siū hong-kuânn
啥物艱苦都毋驚
siánn-mih kan-khóo to m̄-kiann
只求保持好名聲
tsí kiû pó-tshî hó miâ-siann
為朋友
uī pîng-iú
毋驚性命亡
m̄-kiann sìnn-miā bông
胡奎做人上豪爽
Oô Khue tsuè-lâng siōng hô-sóng
壯志凌雲氣如虹
tsòng-tsì lîng-hûn khì jû hông
除奸滅匪保忠良
tû-kan bia̍t-huí pó tiong-liông
義薄雲天
gī po̍k hûn-hian
人人尊重
lâng-lâng tsun-tiōng
馬氏金定好武功
Má–sī Kim-tīng hó bú-kong
天文地理也會通
thian-bûn tē-lí iā ē-thong
為著國家為情郎
uī-tio̍h kok-ka uī tsîng-lông
出生入死在軍中
tshut-sinn ji̍p-sí tsāi kun-tiong
羅璨佮羅坤
Lô Tshàn kah Lô Khun
忠臣的囝孫
tiong-sîn ê kiánn-sun
自細讀書又練拳
tsū-sè tha̍k-tsu iū liān-kûn
文武全才有學問
bûn-bú tsuân-tsâi ū ha̍k-būn
無奈中著奸臣的暗算
bô-nāi tiòng tio̍h kan-sîn ê àm-sǹg
才著離開故鄉千里遠
tsiah tio̍h lī-khui kòo-hiong tshian-lí hn̄g
時時刻刻
sî-sî-khik-khik
難忘國仇家恨
lân-bōng kok-siû ka-hūn
希望會當
hi-bāng ē-tàng
早日回家門
tsá-ji̍t huê ka-mn̂g
自古早一直到現在
tsū kóo-tsá it-ti̍t kàu hiān-tsāi
大大細細閣嘛知
tuā-tuā-sè-sè koh mā tsai
做人著愛學正派
tsuè-lâng tio̍h-ài o̍h tsìng-phài
為非作歹不應該
uî-hui tsoh-pháinn put-ing-kai
天理昭昭
thian-lí tsiau-tsiau
自有安排
tsū iú an-pâi
若是懵懂袂曉想
nā-sī bóng-tóng buē-hiáng siūnn
無惡不作亂亂來
bû-ok put-tsok luān-luān-lâi
雖然一時真囂俳
sui-jiân tsi̍t-sî tsin hiau-pai
到尾就會變悲哀
kàu-bué tiō ē piàn pi-ai
哎喲喂
aih-ioh-uê
請恁逐家
tshiánn lín ta̍k-ke
斟酌想看覓
tsim-tsiok siūnn khuànn-māi
人生可比一个大舞臺
jîn-sing khó-pí tsi̍t-ê tuā bú-tâi
人生可比是舞臺
jîn-sing khó-pí sī bú-tâi
