黃金海岸
《黃金海岸》N̂g-kim Hái-huānn
劉信明Lâu Sìn-bîng
——————————————
美麗的黃金海岸
bí-lē ê n̂g-kim hái-huānn
天頂海面一片藍
thinn-tíng hái-bīn tsi̍t-phìnn nâ
愛人像海上的船隻
ài-jîn tshiūnn hái-siōng ê tsûn-tsiah
海湧波浪
hái-íng pho-lōng
像阮叫你的聲
tshiūnn gún kiò lí ê siann
啊~揣著阮的心肝靠岸
ah~ tshē-tio̍h gún ê sim-kuann khò-huānn
綴著你的跤步來行
tuè tio̍h lí ê kha-pōo lâi kiânn
黃金海岸的駁岸
n̂g-kim hái-huānn ê poh-huānn
鬧熱音樂唱情歌
lāu-jia̍t im-ga̍k tshiùnn tsîng-kua
攏有愛的故事佇遮
lóng ū ài ê kòo-sū tī tsia
茫茫海風搧對遮
bâng-bâng hái-hong siàn tuì tsia
慢慢欣賞月光影
bān-bān him-sióng gue̍h-kng iánn
一句句感心的咒誓
tsi̍t-kù-kù kám-sim ê tsiù-tsuā
你佮我真愛袂孤單
lí kah guá tsin-ài buē koo-tuann
黃昏相會黃金海岸
hông-hun siong-huē n̂g-kim hái-huānn
