霧夜戀情
《霧夜戀情》Bū-iā Luân-tsing
劉燕燕Lâu Iàn-iàn
——————————————
霧夜的戀情
bū-iā ê luân-tsîng
兩人散步在橋頂
nn̄g-lâng sàn-pōo tsāi kiô-tíng
過去相愛的情景
kuè-khì siong-ài ê tsîng-kíng
時常浮在目睭前
sî-siông phû tsāi ba̍k-tsiu tsîng
心愛的人佗位去
sim-ài ê lâng tó-uī khì
心愛的人在哪裡
sim-ài ê lâng tsāi ná-lí
啊~予我無限的相思
ah~ hōo guá bû-hān ê siunn-si
霧夜的暗暝
bū-iā ê àm-mî
孤單踮在路燈邊
koo-tuann tiàm-tsāi lōo-ting pinn
想起以往的代誌
siūnn-khí í-óng ê tāi-tsì
心內無限的稀微
sim-lāi bû-hān ê hi-bî
心愛的人佗位去
sim-ài ê lâng tó-uī khì
心愛的人在哪裡
sim-ài ê lâng tsāi ná-lí
啊~懷念霧夜的暗暝
ah~ huâi-liām bū-iā ê àm-mî
