夜霧的燈塔
《夜霧的燈塔》Iā-bū ê Ting-thah
劉福助Lâu Hok-tsōo (?)
——————————————
茫霧的月暗暝
báng-bū ê ge̍h-àm-mî
燈塔在海邊
ting-thah tsāi hái-pinn
塔頂燈火閃又爍
thah-tíng ting-hé siám iū sih
宛然無看見
uán-jiân bô khuànn–kìnn
海鳥也飛來飛去
hái-tsiáu iā pue-lâi-pue-khì
啼叫聲哀悲
thî-kiò siann ai-pi
好像知阮心空虛
hó-tshiūnn tsai gún sim khang-hi
替阮哭稀微
thuè gún khàu hi-bî
燈臺的燈火影
ting-tâi ê ting-hé iánn
予阮心哀悲
hōo gún sim ai-pi
為著婚姻受阻礙
uī-tio̍h hun-in siū tsóo-gāi
才著對遮來
tsiah tio̍h tuì tsia lâi
忍耐著滿腹苦疼
jím-nāi tio̍h muá-pak khóo-thiànn
啥人會了解
siánn-lâng ē liáu-kái
好像小船在大海
hó tshiūnn sió-tsûn tsāi tuā-hái
前途都毋知
tsiân-tôo to m̄-tsai
夜雺霧的燈塔
iā bông-bū ê ting-thah
燈火閃閃爍
ting-hé siám-siám-sih
照阮夫妻行倒轉
tsiò gún hu-tshe kiânn tò-tńg
進入燈塔門
tsìn-ji̍p ting-thah mn̂g
恩愛的翁某情份
un-ài ê ang-bóo tsîng-hūn
永遠割袂斷
íng-uán kuah buē tn̄g
將來已經有拍算
tsiong-lâi í-king ū phah-sǹg
美夢日子長
bí-bāng ji̍t-tsí tn̂g
