南海佛祖
《南海佛祖》Lâm-hái Bu̍t-tsóo
李子恆Lí Tsír-hîng
——————————————
佛祖興興蹛南海
Pu̍t-tsóo hing-hing tuà Lâm-hái
阿哥燒香予娘拜
a-ko sio-hiunn hōo niû pài
下著阿娘著乖巧
hē tio̍h tiám a-niâ to̍h kuai-khá
毋通跤步行阿差
m̄-thang kha-pōo kiânn a-tsha
山頂出有楊令婆
suann-tíng tshut ū Iûnn-līng-pô
廈門出有蕹菜河
Ē-mn̂g tshut ū Ìng-tshài-hô
仙人拍鼓有時錯
sian-lâng phah kóo ū-sî tshò
跤步行差加減無
kha-pōo kiânn tsha ke-kiám bô
–
佛祖興興踮南海
Pu̍t-tsóo hing-hing tiàm Lâm-hái
阿哥燒香予娘拜
a-ko sio-hiunn hōo niû pài
下踮阿娘著乖巧
hē tiàm a-niâ to̍h kuai-kháu
毋通跤步行阿差
m̄-thang kha-pōo kiânn a-tsha
山頂出有楊令婆
suann-tíng tshut ū Iûnn-līng-pô
廈門出有蕹菜河
Ē-mn̂g tshut ū Ìng-tshài-hô
仙人拍鼓有時錯
sian-lâng phah kóo ū-sî tshò
跤步行差啥人無
kha-pōo kiânn tsha siánn-lâng bô
甘蔗食著目目清
kam-tsià tsia̍h tio̍h ba̍k-ba̍k tshing
廈門水路迵番爿
Ē-mn̂g tsuí-lōo thàng huan-pîng
猴拖船
kâu thua tsûn
你短命船
lír tér-miā tsûn
載我君
tsài guá kun
你滿海運
lír muá-hái ūn
一海運一海
tsi̍t-hái ūn tsi̍t-hái
一山運一山
tsi̍t-suann ūn tsi̍t-suann
放我公婆佇(踮)唐山
pàng guá kong-pô tī (tiàm) Tn̂g-suann
目屎墜落(流著)到心肝
ba̍k-sái tuī-lo̍h (lâu-tio̍h) kàu sim-kuann
