貪戀著你的愛
《貪戀著你的愛》Tham-luân Tio̍h Lí ê Ài
楊宗憲Iûnn Tsong-hiàn
——————————————
酒是愈啉愈悲哀
tsiú sī jú lim jú pi-ai
心事啥人通了解
sim-sū siánn-lâng thang liáu-kái
漂浪在茫茫情海
phiau-lōng tsāi bâng-bâng tsîng-hái
喔~你行入阮心內
ooh~ lí kiânn-ji̍p gún sim-lāi
陪阮坐落來
puê gún tsē–lo̍h-lâi
恬恬看人生的無奈
tiām-tiām khuànn jîn-sing ê bô-nāi
啥人會知
siánn-lâng ē tsai
是阮痴情誤解
sī gún tshi-tsîng gōo-kái
你的情意對阮
lí ê tsîng-ì tuì gún
只有幾禮拜
tsí-ū kuí lé-pài
這款的愛
tsit khuán ê ài
看袂到未來
khuànn bē-kàu bī-lâi
心愛的你
sim-ài–ê lí
叫我怎樣安排
kiò guá tsuánn-iūnn an-pâi
貪戀著你的愛
tham-luân tio̍h lí ê ài
放蕩阮痴心青春夢
hòng-tōng gún tshi-sim tshing-tshun-bāng
隨你去海角佮天涯
suî lí khì hái-kak kah thian-gâi
貪戀著你的愛
tham-luân tio̍h lí ê ài
你變心
lí piàn-sim
我攏假毋知
guá lóng ké m̄-tsai
暗藏阮心內悲哀
àm-tsông gún sim-lāi pi-ai
喔~真情佮假愛
ooh~ tsin-tsîng kah ké-ài
愈跋愈重愈深
jú pua̍h jú tāng jú tshim
愈看袂出來
jú khuànn buē tshut-lâi
