熱戀的滋味
《熱戀的滋味》Jia̍t-luân ê Tsu-bī
葉啟田Ia̍p Khé-tiân
——————————————
咱雙人划著bòo-tooh
lán siang-lâng kò tio̍h bòo-tooh
遊景緻啊遊景緻
iû kíng-tì–ah iû kíng-tì
愛對你來表示
ài tuì lí lâi piáu-sī
予我來看著你
hōo guá lâi khuànn-tio̍h lí
滿腹熱情
muá-pak jia̍t-tsîng
總是加添咱情意啊
tsóng-sī ka-thiam lán tsîng-ì–ah
純情的伴侶
sûn-tsîng ê phuānn-lī
咱雙人划著bòo-tooh
lán siang-lâng kò tio̍h bòo-tooh
遊景緻啊遊景緻
iû kíng-tì–ah iû kíng-tì
雙人都心歡喜
siang-lâng to sim huann-hí
戀戀啊情綿綿
luân-luân–ah tsîng mî-mî
熱戀時的趣味
jia̍t-luân sî ê tshù-bī
喙脣的芳味啊
tshuì-tûn ê phang-bī–ah
熱戀少年時
jia̍t-luân siàu-liân-sî
划bòo-tooh
kò bòo-tooh
划落去啊
kò–lo̍h-khì ah
伊看啊看水面
i khuànn–ah khuànn tsuí-bīn
湖水清啊照分明
ôo-tsuí tshing–ah tsiò hun-bîng
表示著咱的心
piáu-sī tio̍h lán ê sim
月娘啊咧歡迎啊
ge̍h-niû–ah teh huan-gîng–ah
你看啊看分明
lí khuànn–ah khuànn hun-bîng
一个我啊一个你
tsi̍t-ê guá–ah tsi̍t-ê lí
做陣啊真投機
tsò-tīn–ah tsin tâu-ki
咱雙人划著bòo-tooh
lán siang-lâng kò tio̍h bòo-tooh
遊景緻啊遊景緻
iû kíng-tì–ah iû kíng-tì
雙人都笑微微
siang-lâng to tshiò bî-bî
戀戀啊在身邊
luân-luân–ah tsāi sin-pinn
永遠愛你的心
íng-uán ài lí ê sim
約束不分離啊
iok-sok put hun-lî–ah
宛然心相印
uán-jiân sim siong-ìn
