愛你一擺試看覓
《愛你一擺試看覓》Ài Lí Tsi̍t-pái Tshì-khuànn-māi
葉啟田Ia̍p Khé-tiân
——————————————
愛你一擺試看覓
ài lí tsi̍t-pái tshì-khuànn-māi
希望毋是假情愛
hi-bāng m̄-sī ké tsîng-ài
請你了解
tshiánn lí liáu-kái
愛情本來
ài-tsîng pún-lâi
互相愛忍耐
hōo-siong ài jím-nāi
如果你若有意愛
jû-kó lí nā ū ì-ài
就欲真心來對待
tsiū beh tsin-sim lâi tuì-thāi
愛你一擺試看覓
ài lí tsi̍t-pái tshì-khuànn-māi
我醉一擺試看覓
guá tsuì tsi̍t-pái tshì-khuànn-māi
將你假情佯毋知
tsiong lí ké-tsîng tìnn-m̄-tsai
醉在心內
tsuì tsāi sim-lāi
好歹毋知
hó-pháinn m̄-tsai
何必添悲哀
hô-pit thiam pi-ai
滿山花蕊當咧開
muá-suann hue-luí tng-teh khui
毋驚無花通好採
m̄-kiann bô hue thang-hó tshái
我醉一擺試看覓
guá tsuì tsi̍t-pái tshì-khuànn-māi
原諒一擺試看覓
guân-liōng tsi̍t-pái tshì-khuànn-māi
希望今後真情愛
hi-bāng kim-āu tsin tsîng-ài
為著愛你
uī-tio̍h ài lí
我會了解
guá ē liáu-kái
毋敢講出來
m̄-kánn kóng–tshut-lâi
你咱愛情
lí lán ài-tsîng
痴原在
tshi guân-tsāi
你有愛我
lí ū ài guá
我也知
guá iā tsai
原諒一擺試看覓
guân-liōng tsi̍t-pái tshì-khuànn-māi
