心情咇噗惝
《心情嗶噗惝》Sim-tsîng phi̍t-pho̍k-tsháinn
楊慶煌Iûnn Khìng-hông
——————————————
黃昏日頭沉落西
hông-hun ji̍t-lo̍h tîm lo̍h-sai
雙人相逢舊所在
siang-lâng siong-hông kū sóo-tsāi
雖然這陣
sui-jiân tsit-tsūn
四邊無人來
sì-pinn bô-lâng lâi
心情猶原嗶噗惝
sim-tsîng iu-guân phi̍t-pho̍k-tsháinn
深深的愛在心內
tshim-tshim ê ài tsāi sim-lāi
啥人知
siánn-lâng tsai
月娘笑阮戇大呆
gue̍h-niû tshiò gún gōng-tuā-tai
只要咱互相鼓勵
tsí-iàu lán hōo-siong kóo-lē
互相等待
hōo-siong tán-thāi
千萬毋通烏白來
tshian-bān m̄-thang oo-pe̍h lâi
一生初戀無兩擺
it-sing tshoo-luân bô nn̄g-pái
毋通失敗才閣來
m̄-thang sit-pāi tsiah koh lâi
可比事業
khó-pí sū-gia̍p
基礎拍予在
ki-tshóo phah hōo tsāi
全心努力才應該
tsuân-sim lóo-li̍k tsiah ing-kai
為著前途
uī-tio̍h tsiân-tôo
走天涯也忍耐
tsáu thian-gâi iā jím-nāi
異鄉嘛有溫情愛
ī-hiong mā ū un-tsîng-ài
只要咱互相鼓勵
tsí-iàu lán hōo-siong kóo-lē
互相信賴
hōo-siong sìn-lāi
總會期待好將來
tsóng-ē kî-thāi hó tsiong-lâi
為著前途
uī-tio̍h tsiân-tôo
走天涯也忍耐
tsáu thian-gâi iā jím-nāi
異鄉嘛有溫情愛
ī-hiong mā ū un-tsîng-ài
只要咱互相關懷
tsí-iàu lán hōo-siong kuan-huâi
互相等待
hōo-siong tán-thāi
總會期待好將來
tsóng-ē kî-thāi hó tsiong-lâi
