十八貓盼

https://www.youtube.com/watch?v=63k1D2bhsH8&fbclid=IwAR0MVok6iU9HVAb6XPqJnyrowd1imp2WzpMwv3Po-WHi9kwLn16KUY-KZ10

《十八貓盼》Tsa̍p-peh niau phàn
楊華東Iûnn Huâ-tong (阿東)
——————————————
茫欸茫欸
bông–eh bông–eh
欲去佗位啊
bueh khì tó-uī–ah
欲去佗位啊囉
beh khì tó-uī–ah-loh
我嘛毋知影囉
guá mā m̄ tsai-iánn–loh
嚶嚶欸嗚嗚
inn-inn–eh ônn-ônn
毋通閣咧拖塗
m̄-thang koh-leh thua-thôo
這啊層欲講囉
tsit–ah tsân beh kóng–loh
是十八貓盼哩
sī tsa̍p-pueh niau-phàn–lih
人生算來啊
jîn-sing sǹg–lâi ah
閣咧真趣味啊欸
koh-leh tsin tshù-bī–ah-eh
世間有人哩
sè-kan ū-lâng–lih
是真啊奧妙喔
sī tsin–ah ò-miāu–ooh
眠床毋睏啊
bîn-tshn̂g m̄ khùn–ah
閣咧睏椅條啊欸
koh-leh khùn í-tiâu–ah-eh
講甲椅條哩
kóng kah í-tiâu–lih
一下睏一下睏
tsi̍t-ē khùn tsi̍t-ē khùn
睏一个
khùn tsi̍t-ê
椅條吭跤翹
í-tiâu khōng-kha-khiàu
摔一个
siak tsi̍t-ê
下頦著愛撨啊欸
ē-huâi tio̍h-ài tshiâu–ah-eh
阿娘仔
a-niû-á
包袱仔款款欸囉
pau-ho̍k-á khuán-khuán–eh-loh
是落啊下港
sī lo̍h–ah ē-káng
老蜂的愛錢啊
lāu-phang–ê ài tsînn–ah
閣咧無愛人啊欸
koh-leh bô-ài lâng–ah-eh
老蜂的起歹哩
lāu-phang–ê khí-pháinn–lih
閣咧目睭降
koh-leh ba̍k-tsiu kàng
今著害囉今著慘
tann tio̍h hāi–looh tann tio̍h tshám
老蜂的起歹
lāu-phang–ê khí-pháinn
又閣欲拍人
iū-koh beh phah lâng
捻大腿
liàm tuā-thuí
閣咧搝頭鬃
koh-leh giú thâu-tsang
別人供體老蜂的
pa̍t-lâng king-thé lāu-phang–ê
親像一隻虎頭蜂啊欸
tshin-tshiūnn tsi̍t-tsiah hóo-thâu-phang–ah-eh
講甲咱人哩
kóng kah lán lâng–lih
閣咧莫超過
koh-leh mài tshiau-kuè
講甲閣咧偏人哩
kóng kah koh-leh phinn lâng–lih
嘛是無好尾
mā sī bô hó-bué
毋過咱人傷戇啊
m̄-koh lán-lâng siunn gōng–ah
閣咧予人看衰
koh-leh hōo-lâng khuànn-sue
講甲第一戇喔
kóng kah tē-it gōng–ooh
食薰來歕風
tsia̍h-hun lâi pûn-hong
第二戇
tē-jī gōng
挵球來相撞
lòng-kiû lâi sio-tōng
第三戇
tē-sann gōng
?查某囡仔搧東風
tshuā tsa̋u-gín-á siàn tang-hong
講甲第四戇哩
kóng kah tē-sì gōng–lih
今著害囉今著慘
tann tio̍h hāi–looh tann tio̍h tshám
食檳榔
tsia̍h pin-nn̂g
閣咧來嘔紅啊欸
koh-leh lâi áu-hông–ah-eh
啥物叫做貓盼哩
siánn-mih kiò-tsuè niau-phàn–lih
就是龜龜鱉鱉的人大貓盼喔
tsiū-sī ku-ku-pih-pih ê lâng tuā niau-phàn–ooh
最後欲來講我哩
tsuè-āu beh lâi kóng guá–lih
嘛是人䆀看
mā sī lâng bái-khuànn
紅嬰仔看我
âng-enn-á khuànn guá
會倒彈
ē tò-tuānn
阮來見笑
gún lâi kiàn-siàu
一路走閣一路看
tsi̍t-lōo tsáu koh tsi̍t-lōo khuànn
臺北走到紗帽山
Tâi-pak tsáu kah Se-bō-suann
規陣阿娘仔
kui-tīn a-niû-á
走出來看
tsáu tshut-lâi khuànn
我嘛毋知影囉
guá mā m̄ tsai-iánn–looh
閣咧欲按怎
koh-leh beh án-tsuánn
咿咿咿咿咿咿咿咿~
ih ih ih ih ih ih ih ih~

您可能也會喜歡…

跳至工具列