內山少年家
《內山少年家》Lāi-suann Siàu-liân-ke
葉啟田Ia̍p Khé-tiân
——————————————
阮就是十七八
gún tsiū-sī tsa̍p-tshit-peh
青春少年家
tshing-tshun siàu-liân-ke
身穿西裝白皮鞋
sin tshīng se-tsong pe̍h-phuê-ê
希望交著小姐伊
hi-bāng kau tio̍h sió-tsiá i
散步遊街市
sàn-pōo iû kue-tshī
想欲對伊表明心內
siūnn-beh tuì i piáu-bîng sim-lāi
又驚伊受氣
iū kiann i siūnn-khì
小姐我真愛你呢
xiǎojiě wǒ zhēn ài nǐ neh
伊就是十六七
i tsiū-sī tsa̍p-la̍k-tshit
查某囡仔嬰
tsa-bóo gín-á-inn
這幅年紀正當時
tsit pak nî-kí tsiànn-tong-sî
親像牡丹花一枝
tshin-tshiūnn bóo-tan hue tsi̍t-ki
生做得人意
sinn-tsuè tit-lâng-ì
想欲招伊來去看戲
siūnn-beh tsio i lâi-khì khuànn hì
又驚伊毋去
iū kiann i m̄ khì
小姐我真愛你呢
xiǎojiě wǒ zhēn ài nǐ neh
我正是十七八
guá tsiànn-sī tsa̍p-tshit-peh
青春少年家
tshing-tshun siàu-liân-ke
每日趣味唸歌詩
muí-ji̍t tshù-bī liām kua-si
希望做著紅歌星
hi-bāng tsuè tio̍h âng kua-tshinn
出名四界去
tshut-miâ sì-kè khì
到時我會一定
kàu-sî guá ē it-tīng
娶你倒來做妻兒
tshuā lí tò-lâi tsuè tshe-jî
小姐我真愛你呢
xiǎojiě wǒ zhēn ài nǐ neh
小姐我真愛你呢
xiǎojiě wǒ zhēn ài nǐ neh
