來來來跳舞
《來來來跳舞》Lâi Lâi Lâi Thiàu-bú
葉啟田Ia̍p Khé-tiân
——————————————
無論是啥物時間
bô-lūn sī sí-mih sî-kan
愛情無限
ài-tsîng bû-hān
雙人鬥陣心茫茫
siang-lâng tàu-tīn sim bâng-bâng
舞廳音樂聲
bú-thiann im-ga̍k-siann
引阮心跳弄
ín gún sim thiàu-lāng
熱情青春的人
jia̍t-tsîng tshing-tshun ê lâng
抱著滿懷希望
phō tio̍h buán-huâi hi-bāng
來來來來跳一个赤赤
lâi lâi lâi lâi thiàu tsi̍t-ê tshiah-tshiah
來來來跳歐美赤赤
lâi lâi lâi lâi thiàu au-bí tshiah-tshiah
大鼓小鼓聲
tuā-kóo sió-kóo siann
碰赤碰赤赤
pōng-tshiah pōng-tshiah-tshiah
拍著真正好聽
phah-tio̍h tsin-tsiànn hó-thiann
跳舞是現代的人
thiàu-bú sī hiān-tāi ê lâng
交際事項
kau-tsè sū-hāng
毋通講伊無彩工
m̄-thang kóng i bô-tshái-kang
誤了青春夢
gōo liáu tshing-tshun bāng
啦~來來來來跳一个倫巴
lah~ lâi lâi lâi lâi thiàu tsi̍t-ê lùn-bah
來來來來跳倫巴
lâi lâi lâi lâi thiàu to lùn-bah
啊喇叭聲
ah lá-pah siann
啊觱吧吧
ah pinn-pann-pann
來來來跳舞啦
lâi lâi lâi thiàu-bú–lah
咱雙人意志堅定
lán siang-lâng ì-tsì kian-tīng
愛情有望
ài-tsîng ū bāng
舞廳內面烏暗暗
bú-thiann lāi-bīn oo-àm-àm
雙人鴛鴦夢
siang-lâng uan-iunn bāng
舞池若振動
bú-tî nā tín-tāng
舞曲甜蜜輕鬆
bú-khik tinn-bi̍t khin-sang
身軀綴伊活動
sin-khu tuè i ua̍h-tāng
來來來來跳一个森巴
lâi lâi lâi lâi thiàu tsi̍t-ê sàm-bah
來來來來跳吉魯巴
lâi lâi lâi lâi thiàu tsi-lú-pah
啊piano的聲
ah piano ê siann
叮叮叮叮噹
tin-tin tin-tin-tang
奏著實在好聽
tsàu tio̍h si̍t-tsāi hó-thiann
配合舞曲的緊慢
phuè-ha̍p bú-khik ê kín-bān
跤步搖動
kha-pōo iô-tāng
相唚感情的接送
sio-tsim kám-tsîng ê tsiap-sàng
真甜閣又芳
tsin tinn koh iū phang
啦~來來來來跳阿哥哥
lah~ lâi lâi lâi lâi thiàu a-kó-koh
來來來來跳曼波
lâi lâi lâi lâi thiàu bàn-pooh
啊吉他聲
ah gì-tah siann
tiang tiang tiang
來來來跳舞啦
lâi lâi lâi thiàu-bú–lah
吉他聲
gì-tah siann
tiang tiang tiang
來來來跳舞啦
lâi lâi lâi thiàu-bú–lah
吉他聲
gì-tah siann
tiang tiang tiang
來來來跳舞啦
lâi lâi lâi thiàu-bú–lah
