快樂賽神仙
《快樂賽神仙》Khuài-lo̍k Sài Sîn-sian
張金挺Tiunn Kim-thíng(廈門)
——————————————
大海大若天
tuā-hái tuā ná thinn
茫茫的海水做厝邊
bâng-bâng ê hái-tsuí tsò tshù-pinn
大門四季毋免關
tuā-mn̂g sì-kuì m̄-bián kuinn
朋友五路來相添
pîng-iú ngóo-lōo lâi sann-thinn
鬥陣做伙是無相偏
tàu-tīn tsò-hué sī bô sio-phinn
逍遙自在如來生
siau-iâu tsū-tsāi Jû-lâi sinn
大海大若天
tuā-hái tuā ná thinn
神奇的所在浮一星
sîn-kî ê sóo-tsāi phû tsi̍t-tshinn
金光閃閃是若仙池
kim-kong siám-siám sī ná sian-tî
規年無雪燒熱天
kui-nî bô seh sio-jua̍h thinn
爽啦
sóng–lah
百姓面仔攏好笑青
peh-sìnn bīn-á lóng hó-tshiò-tshinn
有真濟聖人
ū tsin tsuē sìng-jîn
佇咧你身邊
tī-leh lí sin-pinn
千里來做伙
tshian-lí lâi tsò-hué
咱是有緣的人
lán sī ū-iân ê lâng
來到這个所在
lâi-kàu tsit ê sóo-tsāi
心情是真輕鬆
sim-tsîng sī tsin khin-sang
所有的煩惱憂愁
sóo-ū ê huân-ló iu-tshiû
這馬放予空
tsit-má pàng hōo khang
天頂的神仙
thinn-tíng ê sîn-sian
嘛欲落人間
mā beh lo̍h jîn-kan
