咱是福建人
《咱是福建人》Lán Sī Hok-kiàn-lâng
洪及響Âng Ki̍p-hióng(泉州)
王海松Ông Hái-siông(泉州)
——————————————
洪)
坎坷的路
khám-khia̍t ê lōo
無人陪伴
bô-lâng puê-phuānn
食過偌濟酸甜苦澀
tsia̍h kuè guā-tsuē sng-tinn khóo-siap
攏囥在心內
lóng khǹg tsāi sim-lāi
看著手中這杯酒
khuànn-tio̍h tshiú-tiong tsit pue tsiú
我是福建人
guá sī Hok-kiàn-lâng
為了前程
uī-liáu tsiân-tîng
一定欲出頭天
it-tīng beh tshut-thâu-thinn
王)
閩福天下
Bín-hok thian-hā
心中故鄉
sim-tiong kòo-hiong
愛拚愛贏
ài piànn ài iânn
愛國愛鄉
ài kok ài hiong
攏是有理想
lóng-sī ū lí-sióng
乾了手中這杯酒
kan liáu tshiú-tiong tsit pue tsiú
拍拚繼續創
phah-piànn kè-sio̍k tshòng
最思念
tsuè su-liām
永遠是上媠的故鄉
íng-uán sī siōng suí ê kòo-hiong
合)
咱是福建人
lán sī Hok-kiàn-lâng
勇敢向前衝
ióng-kám hiòng-tsiân tshiong
頭前偌濟風雨阻擋
thâu-tsîng guā-tsuē hong-hōo tsóo-tòng
阮攏無驚險
gún lóng bô-kiann hiám
合)
咱是(恁爸)福建人
lán sī (lín-pē) Hok-kiàn-lâng
敢創咱會贏
kánn tshòng lán ē iânn
五湖四海
ngóo-ôo sù-hái
朋友兄弟
pîng-iú hiann-tī
創出一片天
tshòng tshut tsi̍t-phìnn thinn
