純情的少女
《純情的少女》Sûn-tsîng ê Siàu-lú
邱蘭芬Khu Lân-hun
——————————————
日頭若是沉落西
ji̍t-thâu nā-sī tîm lo̍h-sai
心情袂清彩
sim-tsîng buē tshing-tshái
無情冷風
bô-tsîng líng-hong
陣陣吹來
tsūn-tsūn tshue–lâi
吹動阮心內的悲哀
tshue-tōng gún sim-lāi ê pi-ai
想起昔日咱情愛
siūnn-khí sik-ji̍t lán tsîng-ài
傷心流目屎
siong-sim lâu ba̍k-sái
阮的爸母袂理解
gún ê pē-bú buē lí-kái
為著金錢來阻礙
uī-tio̍h kim-tsînn lâi tsóo-gāi
才著走天涯
tsiah tio̍h tsáu thian-gâi
時刻已經過三更
sî-khik í-king kè sann-kinn
猶原睏袂去
iu-guân khùn buē-khì
只好坐在眠床邊
tsí-hó tsē tsāi bîn-tshn̂g pinn
手提心愛的相片
tshiú the̍h sim-ài ê siòng-phìnn
輕聲叫出你名字
khin-siann kiò-tshut lí miâ-jī
傷心珠淚滴
siong-sim tsu-luī tih
毋知著愛等何時
m̄-tsai tio̍h-ài tán hô-sî
才會佮你來做堆
tsiah-ē kah lí lâi tsuè-tui
永遠伴相隨
íng-uán phuānn-sio-suî
