月照西樓窗
《月照西樓窗》Gue̍h Tsiò Se Lâu-Thang
尤君Iû Kun
——————————————
清風對人輕輕送
tshing-hong tuì lâng khin-khin sàng
月光照樓窗
ge̍h-kng tsiò lâu-thang
窗前照出影一雙
thang-tsîng tsiò tshut iánn tsi̍t-siang
浮現戀愛夢
phû-hiān luân-ài bāng
廊邊水池蓮花紅
lông-pinn tsuí-tî liân-hue âng
月光照毋放
ge̍h-kng tsiò m̄ pàng
水內美麗蓮花欉
tsuí-lāi bí-lē lián-hue tsâng
對月也戲弄
tuì ge̍h iā hì-lāng
花前月下情義重
hua-tsiân gua̍t-hā tsîng-gī tāng
定情結成鴛鴦夢
tīng-tsîng kiat-sîng uan-iunn bāng
願望月永遠圓
guān bāng ge̍h íng-uán înn
蓮花也定定紅
liân-hue iā tiānn-tiānn âng
