相逢泉州港
《相逢泉州港》Siong-hông Tsuân-tsiu-káng
七郎Tshit-lông
——————————————
船螺聲音聲聲霆
tsûn-lê siann-im siann-siann tân
船欲離開泉州港
tsûn beh lī-khui Tsuân-tsiu-káng
戀戀不捨目箍紅
luân-luân put-siá ba̍k-khoo âng
牽你雙手毋願放
khan lí siang-tshiú m̄-guān pàng
行船的人心沉重
kiânn-tsûn ê lâng sim tîm-tāng
毋知何時會當回航
m̄-tsai hô-sî ē-tàng huê-hâng
心內掛念你一人
sim-lāi kuà-liām lí tsi̍t-lâng
是我辜負你的純情夢
sī guá koo-hū lí ê sûn-tsîng bāng
我是海上的主人
guá sī hái-siōng ê tsú-lâng
毋驚海風海湧海茫茫
m̄-kiann hái-hong hái-íng hái bâng-bâng
認真拍拚每一工
jīn-tsin phah-piànn muí tsi̍t-kang
前世姻緣著來牽
tsîng-sè in-iân tio̍h lâi khan
一生我最愛你一人
it-sing guá tsuè ài lí tsi̍t-lâng
期待相逢泉州港
kî-thāi siong-hông Tsuân-tsiu-káng
