異鄉思戀
《異鄉思戀》Ī-hiong Su-luân
黃秋田N̂g Tshiu-tiân
——————————————
離開故鄉過一年
lī-khui kòo-hiong kè tsi̍t-nî
每日思念啊
muí-ji̍t su-liām–ah
心愛伊唉喲喂
sim-ài i–aih-iō-ueh
毋知怎樣過日子喔
m̄-tsai tsánn-iūnn kè ji̍t-tsí–ooh
引阮心亂啊
ín gún sim luān–ah
目屎滴唉喲喂
ba̍k-sái tih–aih-iō-ueh
踮在繁華夜都市
tiàm-tsāi huân-huâ iā too-tshī
每日拍拚啊
muí-ji̍t phah-piànn–ah
咧趁錢唉喲喂
teh thàn-tsînn–aih-iō-ueh
猶原毋敢來失志喔
iu-guân m̄-kánn lâi sit-tsì–ooh
期待將來啊
kî-thāi tsiong-lâi–ah
好日子唉喲喂
hó ji̍t-tsí–aih-iō-ueh
流浪他鄉已一年
liû-lōng thann-hiong í tsi̍t-nî
想起故鄉啊
siūnn-khí kòo-hiong–ah
心愛伊唉喲喂
sim-ài i–aih-iō-ueh
有時心內真稀微喔
ū-sî sim-lāi tsin hi-bî–ooh
毋知何時啊
m̄-tsai hô-sî–ah
出頭天唉喲喂
tshut-thâu-thinn–aih-iō-ueh
月娘光光照窗門
ge̍h-niû kng-kng tsiò thang-mn̂g
想起故鄉啊
siūnn-khí kòo-hiong–ah
心頭酸唉喲喂
sim-thâu sng–aih-iō-ueh
踮在他鄉路途遠喔
tiàm-tsāi thann-hiong lōo-tôo hn̄g–ooh
毋知何時啊
m̄-tsai hô-sî–ah
回家門唉喲喂
huê ka-mn̂g–aih-iō-ueh
