阿西遊臺北
《阿西遊臺北》A-se Iû Tâi-pak
黃西田N̂g Se-tiân
——————————————
阿西啊來到嘛臺啊北市喔
A-se–ah lâi-kàu–mah Tāi–ah pak-tshī–ooh
看著人馬嘛曄啊曄是
khuànn-tio̍h lâng-bé–mah ia̍p–ah ia̍p-sī
這爿閃過來
tsit pîng siám kuè-lâi
閣彼爿閃過去
koh hit-pîng siám kuè-khì
噯唷!險予彼號烏頭仔
aih-iooh! hiám hōo hit-lō oo-thâu-á
來撞欸半死喔
lâi tōng–eh puànn-sí–ooh
噯唷噯唷喂
aih-iooh aih-iooh-ueh
予我驚一个
hōo guá kiann tsi̍t-ê
若無來細膩
nā bô lâi suè-jī
噯!敢會做狗爬喔
aih! kánn ē tsuè káu pê–ooh
阿西啊來到嘛臺啊北市喔
A-se–ah lâi-kàu–mah Tāi–ah pak-tshī–ooh
看著查某嘛真啊正媠
khuànn-tio̍h tsa-bóo–mah tsin–ah tsiànn suí
這爿看過來
tsit pîng khuànn kuè-lâi
閣彼爿看過去
koh hit-pîng khuànn kuè-khì
看著彼个姑娘仔
khuànn-tio̍h hit ê koo-niû-á
嘛有欸佮意
mā ū–eh kah-ì
噯唷噯唷喂
aih-iooh aih-iooh-ueh
心內彈琵琶
sim-lāi tuânn gî-pê
毋知欲怎樣開喙
m̄-tsai beh tsánn-iūnn khui-tshuì
較好勢喔
khah hó-sè–ooh
阿西啊來到嘛臺啊北市喔
A-se–ah lâi-kàu–mah Tāi–ah pak-tshī–ooh
愛著姑娘仔嘛心欸歡喜
ài-tio̍h koo-niû-á–mah sim–eh huann-hí
這爿講過來
tsit pîng kóng kuè-lâi
閣彼爿講過去
koh hit-pîng kóng kuè-khì
唉!哪會攏袂投機
haih! ná ē lóng buē tâu-ki
嘛真正氣死喔
mā tsin-tsiànn khì–sí ooh
噯唷噯唷喂
aih-iooh aih-iooh-ueh
頭殼戇戇踅
thâu-khak gōng-gōng se̍h
看破著轉來
khuànn-phuà tio̍h tńg-lâi
揣阮老柴耙喔
tshē gún lāu tshâ-pê–ooh
