理髮小姑娘
《理髮小姑娘》Lí-huat Sió-koo-niû
黃西田N̂g Se-tiân
——————————————
彼个理髮小姑娘
hit ê lí-huat sió-koo-niû
青春的模樣
tshing-tshun ê bôo-iūnn
快快樂樂無憂愁
khuài-khuài-lo̍k-lo̍k bô iu-tshiû
對人態度真溫柔
tuì lâng thāi-tōo tsin un-jiû
一个阿伯老不修
tsi̍t-ê a-peh lāu-put-siu
每日都來割喙鬚
muí-ji̍t to lâi kuah-tshuì-tshiu
伊心內
i sim-lāi
嘛實在佇咧想
mā si̍t-tsāi tī-leh siūnn
按怎向伊來追求
án-tsuánn hiòng i lâi tui-kiû
理髮姑娘真美麗
lí-huat koo-niû tsin bí-lē
閣有好體格
koh ū hó thé-keh
招呼人客啊入來坐
tsio-hoo lâng-kheh–ah ji̍p-lâi tsē
態度實在真好禮
thāi-tōo si̍t-tsāi tsin hó-lé
無論啥款的形體
bô-lūn siánn-khuán ê hîng-thé
全部OK無問題
tsuân-pōo OK bô-būn-tuê
就是你的頭麩真正濟
tsiū-sī lí ê thâu-pho tsin-tsiànn tsuē
也是包你會好勢
iā-sī pau lí ē hó-sè
理髮姑娘媠噹噹
lí-huat koo-niû suí-tang-tang
妖嬌又迷人
iau-kiau iū bê-lâng
予我看著我心跳弄
hōo guá khuànn-tio̍h guá sim thiàu-lāng
一日無看袂輕鬆
tsi̍t-ji̍t bô-khuànn buē khin-sang
毋管你愛佗一項
m̄-kuán lí ài tó tsi̍t-hāng
絕對照你的希望
tsua̍t-tuì tsiàu lí ê hi-bāng
我愛你嘛做我的屋桑
guá ài lí–mah tsuè guá ê ok-sàng (奧さん)
毋知你是想啥款
m̄-tsai lí sī siūnn siánn-khuán
