想著真艱苦
《想著真艱苦》Siūnn-tio̍h Tsin Kan-khóo
黃西田N̂g Se-tiân
——————————————
進無路啊退無步
tsìn bô-lōo–ah thè bô-pōo
想著面就烏
siūnn-tio̍h bīn tsiū oo
為著一時的錯誤
uī-tio̍h tsi̍t-sî ê tshò-gōo
造成今仔日的地步
tsō-sîng kia̋nn-ji̍t ê tē-pōo
哎喲!大某歹甲親像虎
aih-ioh! tuā-bóo pháinn kah tshin-tshiūnn hóo
細姨一日到暗烏白惱
suè-î tsi̍t-ji̍t-kàu-àm oo-pe̍h lóo
啊~事到如今才知苦
ah~ sū kàu jû-kim tsiah tsai-khóo
事到如今才知苦
sū kàu jû-kim tsiah tsai-khóo
真糊塗啊真糊塗
tsin hôo-tôo–ah tsin hôo-tôo
我哪遮糊塗
guá ná tsiah hôo-tôo
明知濟某歹照顧
bîng-tsai tsuē bóo pháinn tsiàu-kòo
偏偏娶甲兩个某
phian-phian tshuā kah nn̄g-ê bóo
哎喲!細姨佮人去散步
aih-ioh! suè-î kah lâng khì sàn-pōo
大的無愛佮我睏仝鋪
tuā–ê bô-ài kah guá khùn kāng phoo
啊~予我想著真艱苦
ah~ hōo guá siūnn-tio̍h tsin kan-khóo
予我想著真艱苦
hōo guá siūnn-tio̍h tsin kan-khóo
兩个某啊兩个某
nn̄g-ê bóo–ah nn̄g-ê bóo
實在真艱苦
si̍t-tsāi tsin kan-khóo
破病無人通照顧
phuà-pīnn bô-lâng thang tsiàu-kòo
破衫無人替我補
phuà-sann bô-lâng thè guá póo
哎喲!厝內時常起戰鼓
aih-ioh! tshù-lāi sî-siông khí tsiàn-kóo
哪有心情通去做頭路
ná-ū sim-tsiânn thang khì tsuè thâu-lōo
啊~怨嘆也是無法度
ah~ uàn-thàn iā-sī bô-huat-tōo
怨嘆也是無法度
uàn-thàn iā-sī bô-huat-tōo
