幸福人生
《幸福人生》Hīng-hok Jîn-sing
黃西田N̂g Se-tiân
——————————————
甘酸苦甜的人生
kam-sng khóo-tinn ê jîn-sing
到處有溫情
tò-tshú ū un-tsîng
有時遇著歹環境
ū sî gū-tio̍h pháinn khuân-kíng
哪通心頭凝
ná thang sim-thâu gîng
毋通失志半路程
m̄-thang sit-tsì puànn lōo-tîng
勇敢向頭前
ióng-kám hiòng thâu-tsîng
一步一步來造成
tsi̍t-pōo-tsi̍t-pōo lâi tsō-sîng
幸福的人生
hīng-hok ê jîn-sing
哀聲嘆氣啥路用
ai-siann thàn-khì siánn lōo-īng
放捒著苦情
pàng-sak tio̍h khóo-tsîng
目睭向前
ba̍k-tsiu hiòng-tsîng
看予明
khuànn hōo bîng
天色漸漸清
thinn-sik tsiām-tsiām tshing
明朗快樂的表情
bîng-lóng khuài-lo̍k ê piáu-tsîng
人人都歡迎
lâng-lâng to huan-gîng
逐家歡喜來過著
ta̍k-ke huann-hí lâi kuè tio̍h
幸福的人生
hīng-hok ê jîn-sing
