奮鬥人生
《奮鬥人生》Hùn-tàu Jîn-sing
黃西田N̂g Se-tiân
——————————————
人生漫長的旅途
jîn-sing bān-tn̂g ê lú-tôo
難免總有酸甘苦
lân-bián tsóng ū sng-kam-khóo
遇著困難毋免慒
gū-tio̍h khùn-lân m̄-bián tso
攑頭向前來奮鬥
gia̍h-thâu hiòng-tsîng lâi hùn-tàu
毋驚風雨落偌粗
m̄-kiann hong-hōo lo̍h guā tshoo
毋驚坎坷烏暗路
m̄-kiann khám-khia̍t oo-àm-lōo
會得忍受苦中苦
ē-tit jím-siū khóo-tiong khóo
才有光明的前途
tsiah ū kong-bîng ê tsiân-tôo
人生遙遠的路程
jîn-sing iâu-uán ê lōo-thîng
困難一重過一重
khùn-lân tsi̍t-tîng kuè tsi̍t-tîng
甘願受苦肯犧牲
kam-guān siū-khóo khíng hi-sing
期待將來的美景
kî-thāi tsiong-lâi ê bí-kíng
好歹代誌認予清
hó-pháinn tāi-tsì jīn hōo tshing
是非道理愛分明
sī-hui tō-lí ài hun-bîng
堅定意志來造成
kian-tīng ì-tsì lâi tsō-sîng
光明燦爛的前程
kong-bîng tshàn-lān ê tsiân-tîng
