踏一步算一步
《踏一步算一步》Ta̍h Tsi̍t-pōo Sǹg Tsi̍t-pōo
游小鳳Iû Sió-hōng
——————————————
聲聲句句無奈何
siann-siann-kù-kù bô-nāi-hô
命運哪會遮爾薄
miā-ūn ná ē tsiah-nī po̍h
來到異鄉受苦勞
lâi-kàu ī-hiong siū khóo-lô
到處奔波揣頭路
tò-tshù phun-pho tshē-thâu-lōo
曷無朋友相照顧
a̍h bô pîng-iú sio tsiàu-kòo
這款日子怎樣度
tsit khuán ji̍t-tsí tsuánn-iūnn tōo
茫茫人生受苦楚
bâng-bâng jîn-sing siū khóo-tshóo
啊~千萬毋通再糊塗
ah~ tshian-bān m̄-thang tsài hôo-tôo
千萬毋通再糊塗
tshian-bān m̄-thang tsài hôo-tôo
決心追求
kuat-sim tui-kiû
幸福的前途
hīng-hok ê tsiân-tôo
人講人生的旅途
lâng kóng jîn-sing ê lú-tôo
總是有甜也有苦
tsóng-sī ū tinn iā ū khóo
為何阮的命遮苦
uī-hô gún ê miā tsiah khóo
偏偏遇著坎坷路
phian-phian gū-tio̍h khám-khia̍t lōo
踏著正確的跤步
ta̍h-tio̍h tsìng-khak ê kha-pōo
踏著一步算一步
ta̍h-tio̍h tsi̍t-pōo sǹg tsi̍t-pōo
茫茫人生遙遠路
bâng-bâng jîn-sing iâu-uán lōo
啊~千萬毋通再踏錯
ah~ tshian-bān m̄-thang tsài ta̍h-tshò
千萬毋通再踏錯
tshian-bān m̄-thang tsài ta̍h-tshò
早日揣著
tsá-ji̍t tshuē-tio̍h
光明的前途
kong-bîng ê tsiân-tôo
