發發發大財
《發發發大財》Huat Huat Huat Tuā-tsâi
曾瑋中Tsan Uí-tiong/Kuljelje
——————————————
每一工喔每一工
muí tsi̍t-kang–ooh muí tsi̍t-kang
是拍拚咧討趁
sī phah-piànn teh thó-thàn
每一暗喔每一暗
muí tsi̍t-àm–ooh muí tsi̍t-àm
窒愛睏藥仔
that ài-khùn-io̍h-á
每一工喔每一工
muí tsi̍t-kang–ooh muí tsi̍t-kang
烏目墘綴我
oo ba̍k-kînn tuè guá
錢怎樣怎樣
tsînn tsuánn-iūnn tsuánn-iūnn
怎樣無夠啦
tsuánn-iūnn bô-kàu–lah
每一冬喔每一冬
muí tsi̍t-tang–ooh muí tsi̍t-tang
起價起甲痟矣
khí-kè khí kah siáu–ah
為怎樣為怎樣
uī tsuánn-iūnn uī tsuánn-iūnn
薪水攏仝款
sin-suí lóng kāng-khuán
每一夜喔每一夜
muí tsi̍t-iā–ooh muí tsi̍t-iā
阮攏咧眠夢
gún lóng teh bîn-bāng
變真真真真真
piàn tsin tsin tsin tsin tsin
真好額(變真好額)
tsin hó-gia̍h (piàn tsin hó-gia̍h)
免煩惱食穿啊
bián huân-ló tsia̍h-tshīng–ah
免看人面色啊
bián khuànn-lâng bīn-sik–ah
人人攏來扶扶挺挺
lâng-lâng lóng lâi phôo-phôo-thánn-thánn
逐工睏甲飽
ta̍k-kang khùn kah pá
起床來炒房
khí-tshn̂g lâi tshá-pâng
歡歡喜喜過生活
huann-huann-hí-hí kuè sing-ua̍h
喔~ ooh~
財運來發發發
tsâi-ūn lâi huat huat huat
改做頭家
kái tsuè thâu-ke
創造大事業
tshòng-tsō tuā sū-gia̍p
錢來啊發發發
tsînn lâi–ah huat huat huat
加薪水
ka sin-suí
送予親愛的員工
sàng hōo tshin-ài ê uân-kang
財運來發發發
tsâi-ūn lâi huat huat huat
改買LV芳水噴芳芳
kái bé LV phang-tsuí phùn phang-phang
免驚人大細聲
bián kiann lâng tuā-sè-siann
啊唅~啊哈~
ah-hah~ ah-hah~
—
發發發發發發發發發
huat huat huat huat huat huat huat huat huat
發發發發發發發發發
huat huat huat huat huat huat huat huat huat
發發發發發發發發發
huat huat huat huat huat huat huat huat huat
