為啥物你無來
《為啥物你無來》Uī-siánn-mih Lí Bô Lâi
游小鳳Iû Sió-hōng
——————————————
日頭將欲墜落西
ji̍t-thâu tsiong-beh tuī lo̍h-sai
海風陣陣吹來
hái-hong tsūn-tsūn tshue–lâi
海鳥飛規排
hái-tsiáu pue kui-pâi
漁船也轉來
hî-tsûn iā tńg–lâi
為啥物你無來
uī-siánn-mih lí bô lâi
為啥物你無來
uī-siánn-mih lí bô lâi
害阮憂悶在心內
hāi gún iu-būn tsāi sim-lāi
阮是初次
gún sī tshoo-tshù
佮你來熟似
kah lí lâi si̍k-sāi
真濟代誌
tsin tsuē tāi-tsì
攏嘛毋知
lóng-mā m̄-tsai
請你毋通辜負阮的愛
tshiánn lí m̄-thang koo-hū gún ê ài
純情少女的真愛
sûn-tsîng siàu-lú ê tsin-ài
毋免開喙來說明
m̄-bián khui-tshuì lâi sueh-bîng
啥物叫做愛情
siánn-mih kiò-tsuè ài-tsîng
海風陣陣冷
hái-hong tsūn-tsūn líng
吹動阮的心情
tshue-tāng gún ê sim-tsîng
這敢是叫做愛
tse kám-sī kiò-tsuè ài
這敢是叫做情
tse kám-sī kiò-tsuè tsîng
阮嘛實在袂分明
gún mā si̍t-tsāi buē hun-bîng
阮是初次
gún sī tshoo-tshù
佮你談愛情
kah lí tâm ài-tsîng
真濟代誌
tsin tsuē tāi-tsì
攏分袂清
lóng hun buē-tshing
請你毋通辜負阮的情
tshiánn lí m̄-thang koo-hū gún ê tsîng
純潔少女的真情
sûn-kiat siàu-lú ê tsin-tsîng
