悲情公路夜快車
《悲情公路夜快車》Pi-tsîng Kong-lōo Iā-khuài-tshia
程珍珍Thîng Tin-tin
——————————————
公路夜快車
kong-lōo iā-khuài-tshia
走著烏暗的沿路
tsáu tio̍h oo-àm ê iân-lōo
看見著窗外
khuànn-kìnn tio̍h thang-guā
一群天星閃閃爍
tsi̍t-kûn thinn-tshinn siám-siám-sih
啊~無疑來
ah~ bô-gî lâi
離開繁華夜都市
lī-khui huân-huâ iā too-tshī
怎樣回鄉里
tsuánn-iūnn huê hiunn-lí
寂寞公路夜快車
tsi̍k-bo̍k kong-lōo iā-khuài-tshia
公路夜快車
kong-lōo iā-khuài-tshia
已經離開夜都市
í-king lī-khui iā too-tshī
過去的迷戀
kuè-khì ê bê-luân
一時親像若眠夢
tsi̍t-sî tshin-tshiūnn ná bîn-bāng
啊~毋通想
ah~ m̄-thang siūnn
悲傷目屎點點滴
pi-siong ba̍k-sái tiám-tiám tih
害阮回鄉里
hāi gún huê hiunn-lí
寂寞公路夜快車
tsi̍k-bo̍k kong-lōo iā-khuài-tshia
公路夜快車
kong-lōo iā-khuài-tshia
載阮無停一直去
tsài gún bô-thîng it-ti̍t khì
心內的痛苦
sim-lāi ê thòng-khóo
敢是應該放水流
kám-sī ing-kai pàng tsuí lâu
啊~毋通想
ah~ m̄-thang siūnn
提出勇氣來阻止
the̍h tshut ióng-khì lâi tsóo-tsí
看破回鄉里
khuànn-phuà huê hiunn-lí
寂寞公路夜快車
tsi̍k-bo̍k kong-lōo iā-khuài-tshia
