怎樣隨便放袂記
《怎樣隨便放袂記》Tsuánn-iūnn Suî-piān Pàng-buē-kì
游小鳳Iû Sió-hōng
——————————————
毋想你
m̄ siūnn lí
毋願想你
m̄-guān siūnn lí
也是偏偏想起你
iā-sī phian-phian siūnn-khí lí
可愛的你
khó-ài ê lí
可恨的你
khó-hūn ê lí
予阮放袂離
hōo gún pàng buē-lī
放袂離
pàng buē-lī
阮放袂離
gún pàng buē-lī
一段無緣的情絲
tsi̍t-tuānn bô-iân ê tsîng-si
阮是初次為著男性
gún sī tshoo-tshù uī-tio̍h lâm-sìng
甘願犧牲自己
kam-guān hi-sing tsū-kí
叫阮怎樣
kiò gún tsuánn-iūnn
隨便放袂記
suî-piān pàng-buē-kì
怎樣來放袂記
tsuánn-iūnn lâi pàng-buē-kì
毋想你
m̄ siūnn lí
毋願想你
m̄-guān siūnn lí
又閣想起彼當時
iū-koh siūnn-khí hit-tong-sî
溫柔的你
un-jiû ê lí
體貼的你
thé-thiap ê lí
予阮愛著你
hōo gún ài-tio̍h lí
愛著你
ài-tio̍h lí
阮愛著你
gún ài-tio̍h lí
一切全部為著你
it-tshè tsuân-pōo uī-tio̍h lí
阮是初次愛著男性
gún sī tshoo-tshù ài-tio̍h lâm-sìng
付出真情真意
hù-tshut tsin-tsîng tsin-ì
無疑咱的情份來斷離
bô-gî lán ê tsîng-hūn lâi tuān-lî
情份煞來斷離
tsîng-hūn suah lâi tuān-lî
