緣份縛絚絚
https://www.youtube.com/watch?v=rIkmIiad6B8
《緣份縛絚絚》Iân-hūn Pa̍k Ân-ân
陳淑萍Tân Siok-phîng
——————————————
今夜感覺有較寒
kim-iā kám-kak ū khah kuânn
異鄉的你
ī-hiong ê lí
敢有咧想我
kám ū teh siūnn guá
這領膨紗衫
tsit niá phòng-se-sann
溫暖阮心肝
un-luán gún sim-kuann
親像你咧陪伴我
tshin-tshiūnn lí teh puê-phuānn guá
是啥人挵破
sī siánn-lâng lòng-phuà
滿滿相思的彼一碗
muá-muá siunn-si ê hit tsi̍t-uánn
是啥人
sī siánn-lâng
了解思戀心情
liáu-kái su-luân sim-tsiânn
風雨聲陣陣
hong-hōo siann tsūn-tsūn
使人心畏寒
sú-lâng sim uì-kuânn
目屎若真珠
ba̍k-sái ná tsin-tsu
滴落塗跤
tih lo̍h thôo-kha
自古紅顏為情煩
tsū-kóo hông-gân uī tsîng huân
等待會疼惜阮彼个人
tán-thāi ē thiànn-sioh gún hit ê lâng
夜半夢你的夢
iā-puànn bāng lí ê bāng
拜託月老鬥相共
pài-thok gua̍t-nóo tàu-sann-kāng
將咱的緣份
tsiong lán ê iân-hūn
縛絚絚
pa̍k ân-ân
