純情對待你
《純情對待你》Sûn-tsîng Tuì-thāi Lí
陳盈潔Tân Îng-kiat
——————————————
平生頭擺談戀愛
pînn-sing thâu-pái tâm luân-ài
心情袂自在
sim-tsîng buē tsū-tsāi
煩惱愛情若失敗
huân-ló ài-tsîng nā sit-pāi
人老無人愛
lâng lāu bô-lâng ài
提出真情佮勇氣
the̍h tshut tsin-tsîng kah ióng-khì
純情來對待
sûn-tsîng lâi tuì-thāi
做人毋通傷囂俳
tsò-lâng m̄-thang siunn hiau-pai
緣份才會來
iân-hūn tsiah ē lâi
愛你愈深愈憂愁
ài lí jú tshim jú iu-tshiû
一日如三秋
it-ji̍t jû sam-tshiu
日來見君夜夢想
ji̍t lâi kìnn kun iā bāng-siūnn
單身面憂憂
tuann-sin bīn iu-iu
希望愛情早日成就
hi-bāng ài-tsîng tsá-ji̍t sîng-tsiū
有頭有尾溜
ū thâu ū bué-liu
世間恩愛只有你
sè-kan un-ài tsí-ū lí
純情對待你
sûn-tsîng tuì-thāi lí
女性青春一蕊花
lú-sìng tshing-tshun tsi̍t-luí hue
花開清芳味
hue khui tshing-phang bī
一旦花蕊若謝去
it-tàn hue-luí nā siā–khì
無人會揣你
bô-lâng ē tshuē lí
想阮過去遐爾驕傲
siūnn gún kuè-khì hiah-nī kiau-ngōo
看人看袂起
khuànn-lâng khuànn buē-khí
今年三十交著你
kin-nî sann-tsa̍p kau tio̍h lí
純情對待你
sûn-tsîng tuì-thāi lí
