拚幸福
《拚幸福》Piànn Hīng-hok
陳翊鳴Tân I̍k-bîng
——————————————
人講人生道路
lâng kóng jîn-sing tō-lōo
有風就有雨
ū hong tiō ū hōo
食苦就當做食補
tsia̍h-khóo tiō tòng-tsò tsia̍h-póo
人生難免糊塗
jîn-sing lân-bián hôo-tôo
管啥物結局
kuán siánn-mih kiat-kio̍k
有進度就算進步
ū tsìn-tōo tiō sǹg tsìn-pōo
無論風欲吹向去佗
bô-lūn hong beh tshue hiòng-khì toh
雨欲落就做伊去落
hōo beh lo̍h tiō tsuè i khì lo̍h
無人會當阻擋我
bô-lâng ē-tàng tsóo-tòng guá
堅定的跤步
kian-tīng ê kha-pōo
一手偃開千斤大石
tsi̍t-tshiú ián khui tshian-kin tuā-tsio̍h
一跤踏破萬里江湖
tsi̍t-kha ta̍h phuà bān-lí kang-ôo
人生海海有起有落
jîn-sing hái-hái ū-khí ū-lo̍h
我有勇氣揣著出路
guá ū ióng-khì tshuē-tio̍h tshut-lōo
擺好姿勢
pái-hó tsu-sè
撨好角度
tshiâu-hó kak-tōo
我會做到予你驕傲
guá ē tsuè kàu hōo lí kiau-ngōo
總有一工
tsóng ū-tsi̍t-kang
我會拚出咱的幸福
guá ē piànn tshut lán ê hīng-hok
