哀愁的尾班車
《哀愁的尾班車》Ai-tshiû ê Bué-pang-tshia
陳美雪Tân Bí-suat
周蓬霖Tsiu Hông-lîm
——————————————
↓↓(口白)—(口白)↓↓
男)
免悲傷啦
bián pi-siong–lah
玉玲
Gio̍k-lin
咱離開是暫時的
lán lī-khui sī tsiām-sî–ê
無論如何
bô-lūn jû-hô
我就按呢會閣倒轉來啦
guá tsuánn ē koh tò–tńg-lâi lah
女)
毋過
m̄-koh
毋過你身體
m̄-koh lí sin-thé
著愛保重呢
tio̍h-ài pó-tiōng–neh
男)
這當然我會啦
tse tong-jiân guá ē–lah
我會時常寫批予你
guá ē sî-siông siá-phe hōo lí
總是你著愛
tsóng–sī lí tio̍h-ài
好好來過日啦乎
hó-hó lâi kè-ji̍t–lah, honnh
↑↑(口白)—(口白)↑↑
忍耐著滿腹苦味
jím-nāi tio̍h muá-pak khóo-bī
攑頭看伊欲離開
gia̍h-thâu khuànn i beh lī-khui
為怎樣車螺引起阮
uī-tsánn-iūnn tshia-lê ín-khí gún
不覺又來流珠淚
put-kak iū lâi lâu tsu-luī
心愛的你我何時
sim-ài–ê lí guá hô-sî
會得再相隨
ē-tit tsài sio-suî
再會啦再會啦
tsài-huē–lah tsài-huē–lah
哀愁的尾幫車
ai-tshiû ê bé-pang-tshia
現在放阮欲離開
hiān tsāi pàng gún beh lī-khui
啊~罩著夜霧的月臺
ah~ tà tio̍h iā-bū ê ge̍h-tâi
伴阮心酸悲
phuānn gún sim sng-pi
現出著稀微笑容
hiàn-tshut tio̍h hi-bî tshiò-iông
毋願予伊心悲哀
m̄-guān hōo i sim pi-ai
伊猶原探出車窗外
i iu-guân thàm tshut tshia-thang guā
叫阮毋通失主裁
kiò gún m̄-thang sit tsú-tshâi
心愛的雖然叫阮
sim-ài–ê sui-jiân kiò gún
暫時來忍耐
tsiām-sî lâi jím-nāi
再會啦再會啦
tsài-huē–lah tsài-huē–lah
哀愁的尾幫車
ai-tshiû ê bé-pang-tshia
現在放阮欲離開
hiān tsāi pàng gún beh lī-khui
啊~到底今夜欲如何
ah~ tàu-tué kim-iā bueh jû-hô
過著寂寞暝
kè tio̍h tsi̍k-bo̍k mî
吞忍著傷心珠淚
thun-jím tio̍h-siong sim tsu-luī
握手送伊欲離開
ak-tshiú sàng i beh lī-khui
希望伊應該著體貼
hi-bāng i ing-kai tio̍h thué-thiap
女性青春的寶貴
lú-sìng tshing-tshun ê pó-kuì
心愛的
sim-ài–ê
你著早日轉來伴相隨
lí tio̍h tsá-ji̍t tńg-lâi phuānn-sio-suî
再會啦再會啦
tsài-huē–lah tsài-huē–lah
哀愁的尾幫車
ai-tshiû ê bé-pang-tshia
現在放阮欲離開
hiān tsāi pàng gún beh lī-khui
啊~火車總是真無情
ah~ hé-tshia tsóng–sī tsin bô-tsîng
逼咱來分離
pik lán lâi hun-lî
