思鄉的囡仔
《思鄉的囡仔》Su-hiong ê Gín-á
陳小龍Tân Sió-liông
——————————————
路燈照著孤單影
lōo-ting tsiò tio̍h koo-tuann iánn
他鄉的路家己行
thann-hiong ê lōo ka-tī kiânn
我一个人離開庄跤
guá tsi̍t-ê-lâng lī-khui tsng-kha
來到繁華的臺北城
lâi-kàu huân-huâ ê Tâi-pak-siânn
阿母交代的話
a-bú kau-tài ê uē
著愛聽
tio̍h-ài thiann
骨力認真去拍拚
kut-la̍t jīn-tsin khì phah-piànn
命運絕對毋是天註定
miā-ūn tsua̍t-tuì m̄-sī thinn tsù-tiānn
艱苦吞落去
kan-khóo thun–lo̍h-khì
一定贏
it-tīng iânn
異鄉的夜
ī-hiong ê iā
故鄉的歌
kòo-hiong ê kua
思鄉的囡仔毋免驚
su-hiong ê gín-á m̄-bián kiann
我就是堅強的查埔囝
guá tsiū-sī kian-kiông ê tsa-poo-kiánn
↓—(口白)—↓
床前明月光
tshông tsiân bîng-gua̍t kong
疑是地上霜
gî sī tē-siōng song
舉頭望明月
kí thiô bōng bîng-gua̍t
低頭思故鄉
tē thiô su kòo-hiong
