咱的價值
《咱的價值》Lán ê Kè-ta̍t
郭忠祐Kueh Tiong-iū
——————————————
直直行抑是轉彎
ti̍t-ti̍t kiânn ia̍h-sī tńg-uan
踅一輾真樂觀
se̍h–tsi̍t-liàn tsin lo̍k-kuan
一个人若定緊旋
tsi̍t-ê- lâng nā tiānn kín suan
就等予命安排
tiō tán hōo miā an-pâi
提出勇敢徛出來
thê-tshut ióng-kám khiā–tshut-lâi
莫閣激戇佯毋知
mài koh kik gōng tènn-m̄-tsai
有夢
ū bāng
是咱的價值
sī lán ê kè-ta̍t
看烏雲若閘了光
khuànn oo-hûn nā tsa̍h liáu kng
予暗影來戲弄
hōo àm-iánn lâi hì-lāng
一路上有偌風霜
tsi̍t-lōo-siōng ū guā hong-song
若拄著就變通
nā tú–tio̍h tiō piàn-thong
信心把握提出來
sìn-sim pá-ak the̍h–tshut-lâi
結果無拚攏毋知
kiat-kó bô piànn lóng m̄-tsai
向望一笑到現在
ǹg-bāng tsi̍t-tshiò kàu hiān-tsāi
喔~就算路無簡單
ooh~ tiō-sǹg lōo bô kán-tan
抑是有偌困難
ia̍h-sī ū guā khùn-lân
風雨攏會堪
hong-hōo lóng ē-kham
徛予在無混亂
khiā hōo tsāi bô hūn-luān
就予過這關
tiō peh hōo kuè tsit kuainn
雖然是有較慢
sui-jiân sī ū khah bān
堅持自信氣魄
kian-tshî tsū-sìn khì-phik
徛懸懸
khiā kuân-kuân
