黃昏的戀歌
《黃昏的戀歌》Hông-hun ê Luân-kua
莊淑君Tsng Siok-kun
——————————————
日頭漸漸欲落山
ji̍t-thâu tsiām-tsiām beh lo̍h-suann
船隻也慢慢欲靠岸
tsûn-tsiah iā bān-bān beh khò-huānn
想起當初
siūnn-khí tong-tshoo
咱時常做陣行
lán sî-siông tsuè-tīn kiânn
談情說愛的海岸
tâm-tsîng sueh-ài ê hái-huānn
山盟海誓
san-bîng hái-sè
對天有咒誓
tuì thinn ū tsiù-tsuā
我毋嫁
guá m̄ kè
你嘛毋娶
lí mā m̄ tshuā
決心認真來拍拚
kuat-sim jīn-tsin lâi phah-piànn
為咱將來會好命
uī lán tsiong-lâi ē hó-miā
忍耐寂寞佮孤單
jím-nāi tsi̍k-bo̍k kah koo-tuann
食苦我毋驚
tsia̍h-khóo guá m̄-kiann
啥物我嘛毋驚
siánn-mih guá mā m̄-kiann
上驚是心愛的你
siōng-kiann sī sim-ài ê lí
放捒我
pàng-sak guá
放我孤單行海岸
pàng guá koo-tuann kiânn hái-huānn
