爸爸媽媽
《爸爸媽媽》Pá-pah Má-mah
梅花三姊妹Muî-hue Sann-tsí-muē
——————————————
一雙箸閣一塊碗
tsi̍t-siang tī koh tsi̍t-tè uánn
夾無魚嘛夾無肉
ngeh-bô hî mā ngeh-bô bah
跪母食奶的羊仔囝
kuī bú tsia̍h-ni ê iûnn-á-kiánn
這款的情景
tsit khuán ê tsîng-kíng
予阮心肝疼
hōo gún sim-kuann thiànn
若是攑針欲穿線
nā-sī gia̍h tsiam beh tshng-suànn
就想起爸母的形影
tiō siūnn-khí pē-bú ê hîng-iánn
別人疼囝惜命命
pa̍t-lâng thiànn kiánn sioh-miā-miā
爸爸媽媽
pá-pah má-mah
為啥物
uī-siánn-mih
為啥物拭袂焦
uī-siánn-mih tshit buē ta
毋知目屎抑是汗
m̄-tsai ba̍k-sái ia̍h-sī kuānn
手底手盤攏是肉
tshiú-té tshiú-puânn lóng-sī bah
是按怎
sī-án-tsuánn
無來共阮疼
bô lâi kā gún thiànn
↓↓(口白)—(口白)↓↓
一雙箸
tsi̍t-siang tī
閣一塊碗
koh tsi̍t-tè uánn
為啥物
uī-siánn-mih
阮會無人通好晟
gún ē bô-lâng thang-hó tshiânn
看著跪母食奶的羊仔囝
khuànn-tio̍h kuī bú tsia̍h-ni ê iûnn-á-kiánn
爸爸媽媽
pá-pah má-mah
是按怎
sī-án-tsuánn
毋轉來共阮疼咧
m̄ tńg-lâi kā gún thiànn–leh
