暗戀伊
《暗戀伊》Àm-luân I
莊淑君Tsng Siok-kun
——————————————
想欲來招伊啉咖啡
siūnn-beh lâi tsio i lim ka-pi
毋知對伊怎樣講起
m̄-tsai tuì i tsuánn-iūnn kóng-khí
想欲來招伊踅夜市
siūnn-beh lâi tsio i se̍h iā-tshī
恐驚伊會無趣味
khióng-kiann i ē bô tshù-bī
純情的阮
sûn-tsîng ê gún
毋敢講出喙
m̄-kánn kóng–tshut-tshuì
暗暗對伊表示哀悲
àm-àm tuì i piáu-sī ai-pi
月娘啊月娘
ge̍h-niû–ah ge̍h-niû
拜託你
pài-thok lí
將阮情意轉予伊
tsiong gún tsîng-ì tsuán hōo i
若毋是對伊有佮意
nā-m̄-sī tuì i ū kah-ì
就無相思的滋味
tsiū bô siunn-si ê tsu-bī
天星也對阮笑微微
thinn-tshinn iā tuì gún tshiò bî-bî
鼓勵阮來提出勇氣
kóo-lē gún lâi the̍h tshut ióng-khì
勇敢來講出心內意
ióng-kám lâi kóng-tshut sim-lāi ì
對伊講出我愛你
tuì i kóng-tshut wǒ ài nǐ
毋管伊的反應是怎樣
m̄-kuán i ê huán-ìng sī tsuánn-iūnn
總是心內暗暗歡喜
tsóng–sī sim-lāi àm-àm huann-hí
