風雨二十年
《風雨二十年》Hong-ú Jī-tsa̍p-nî
邱蘭芬Khu Lân-hun
——————————————
金錢雖然是萬能
kim-tsînn sui-jiân sī bān-lîng
不義錢財毋通用
put-gī tsînn-tsâi m̄-thang īng
親情朋友好感情
tshin-tsiânn pîng-iú hó kám-tsîng
為錢變不幸
uī tsînn piàn put-hīng
貪著富貴
tham-tio̍h hù-kuì
貪著虛榮
tham-tio̍h hi-îng
家破人亡最可憐
ka phò jîn bông tsuè khó-liân
天理昭昭會報應
thian-lí tsiau-tsiau ē pò-ìng
善惡會分明
siān-ok ē hun-bîng
一波未平又一波
tsi̍t-pho bī-phîng iū tsi̍t-pho
人情義理遮爾薄
jîn-tsîng gī-lí tsiah-nī po̍h
為著錢銀為著寶
uī-tio̍h tsînn-gûn uī-tio̍h pó
手段做會落
tshiú-tuānn tsuè ē-lo̍h
仇恨如山志氣高
siû-hūn jû san tsì-khì ko
罪惡多端總難逃
tsuē-ok to-tuan tsóng lân tô
天理昭昭毋是無
thian-lí tsiau-tsiau m̄-sī bô
善惡終有報
siān-ok tsiong iú-pò
