無情酒
《無情酒》Bô-tsîng Tsiú
李炳輝Lí Píng-hui
金門王Kim-mn̂g Ông
——————————————
想著無情的你
siūnn-tio̍h bô-tsîng ê lí
竟然凝心做你去
kìng-jiân gîng-sim tsuè lí khì
無一句再會
bô tsi̍t-kù tsài-huē
無一句保重
bô tsi̍t-kù pó-tiōng
只有一寡傷心話
tsí-ū tsi̍t-kuá siong-sim uē
既然你欲離開
kì-jiân lí beh lī-khui
阮也毋閣留戀
gún iā m̄ koh liû-luân
山盟佮海誓
san-bîng kah hái-sè
當一場笑詼
tòng tsi̍t-tiûnn tshiò-khue
茫茫的人生路
bâng-bâng ê jîn-sing lōo
啊!愛情攏是這款
ah! ài-tsîng lóng-sī tsit khuán
有情的人流目屎
ū-tsîng ê lâng lâu ba̍k-sái
蝴蝶弄花也有時
ôo-tia̍p lōng-hue iā ū sî
焦枝何時來開花
ta-ki hô-sî lâi khui-hue
—
啊!愛情攏是這款
ah! ài-tsîng lóng-sī tsit khuán
有情的人流目屎
ū-tsîng ê lâng lâu ba̍k-sái
深夜莫閣想遐濟
tshim-iā mài koh siūnn hiah tsuē
無情的酒來乾杯
bô-tsîng ê tsiú lâi kan-pue
