深深的思慕
《深深的思慕》Tshim-tshim ê Su-bōo
李芊慧Lí Tshian-huī
——————————————
頭一次見著你的面
thâu tsi̍t-tshù kìnn-tio̍h lí ê bīn
彼一暗就睏袂落眠
hit tsi̍t-àm tiō khùn buē lo̍h-bîn
一直懷念你的聲音
it-ti̍t huâi-liām lí ê siann-im
毋知為著啥原因
m̄-tsai uī-tio̍h siánn guân-in
莫非我對著你
bo̍k-hui guá tuì tio̍h lí
一見鍾情
it-kiàn tsiong-tsîng
已經愛甲遐爾深
í-king ài kah hiah-nī tshim
頭一次佮你來相逢
thâu tsi̍t-tshù kah lí lâi siong-hông
隨時都為你心迷茫
suî-sî to uī lí sim bê-bông
你的風度
lí ê hong-tōo
你的笑容
lí ê tshiò-iông
永遠在我的心中
íng-uán tsāi guá ê sim-tiong
這世人
tsit-sì-lâng
我只有愛慕著你
guá tsí-ū ài-bōo tio̍h lí
其他我攏無意向
kî-thann guá lóng bô ì-hiòng
