熱戀的時
《熱戀的時》Jia̍t-luân ê Sî
吳俊宏Ngôo Tsùn-hông
——————————————
啊哈!熟似你的時
ah-hah! si̍k-sāi lí ê sî
怎來愛著你
tsuánn lâi ài-tio̍h lí
看別人
khuànn pa̍t-lâng
甜甜情綿綿
tinn-tinn tsîng mî-mî
每一日見一面
muí tsi̍t-ji̍t kìnn tsi̍t-bīn
啊哈!我的心內
ah-hah! guá ê sim-lāi
叫我啥滋味
kiò guá siánn tsu-bī
毋知你這陣的記持
m̄-tsai lí tsit-tsūn ê kì-tî
敢停留在
kám thîng-liû tsāi
咱熱戀的時
lán jia̍t-luân ê sî
恨家己
hūn ka-kī
袂赴向你來表示
buē-hù hiòng lí lâi piáu-sī
彼時我愛你
hit-sî guá ài lí
無心傷害你
bô-sim siong-hāi lí
山頂野玫瑰
suann-tíng iá muî-kuì
花若離枝
hue nā lî-ki
往事莫提起
óng-sū mài thê-khí
啊哈!如果予我
ah-hah! jû-kó hōo guá
閣再珍惜你
koh-tsài tin-sioh lí
我會將你
guá ē tsiong lí
留踮我身邊
lâu tiàm guá sin-pinn
用我今生今世
iōng guá kim-sing kim-sè
來疼惜你
lâi thiànn-sioh lí
