女人毋是弱者
《女人毋是弱者》Lú-jîn M̄-sī Jio̍k-tsiá
呂雲雀Lī Hûn-tshiok
——————————————
毋通看阮無目地
m̄-thang khuànn gún bô ba̍k-tē
一步登天有幾个
tsi̍t-pōo ting-thian ū kuí-ê
阮的幸福家己揣
gún ê hīng-hok ka-kī tshuē
毋願予你來支配
m̄-guān hōo lí lâi tsi-phuè
勸恁男性聽詳細
khǹg lín lâm-sìng thiann siông-sè
女人袂予錢來迷
lú-jîn buē hōo tsînn lâi bê
輕視女性滿腹火
khin-sī lú-sìng muá-pak hué
唱出心聲講坦白
tshiùnn-tshut sim-siann kóng thán-pe̍h
毋通笑阮戇大呆
m̄-thang tshiò gún gōng-tuā-tai
弱者兩字阮無愛
jio̍k-tsiá nn̄g-jī gún bô-ài
雖然情場來失敗
sui-jiân tsîng-tiûnn lâi sit-pāi
阮有勇氣閣再來
gún ū ióng-khì koh-tsài lâi
勸恁男性著了解
khǹg lín lâm-sìng tio̍h liáu-kái
女人上驚假情愛
lú-jîn siōng kiann ké tsîng-ài
誠心誠意相對待
sîng-sim sîng-ì sio tuì-thāi
當做阮弱者不應該
tòng-tsuè gún jio̍k-tsiá put-ing-kai
