臺北夜景
《臺北夜景》Tâi-pak Iā-kíng
西卿Se-khing
——————————————
繁華的夜都市
huân-huâ ê iā too-tshī
霓虹燈閃爍
nî-hông-ting siám-sih
路邊一个姑娘
lōo-pinn tsi̍t-ê koo-niû
行來又行去
kiânn-lâi iū kiânn-khì
莫非是伊的愛人
bo̍k-hui sī i ê ài-jîn
袂記約會的日子
buē-kì iok-huē ê ji̍t-tsí
害著伊孤單一个
hāi-tio̍h i koo-tuann tsi̍t-ê
踮遮等規暝
tiàm tsia tán kui-mî
欸~戲園前也有一个
eh~ hì-hn̂g tsîng iā ū tsi̍t-ê
緣投少年家
iân-tâu siàu-liân-ke
猶原頭殼犁犁
iu-guân thâu-khak luê-luê
看著真笑詼
khuànn-tio̍h tsin tshiò-khe
鬧熱的圓環邊
lāu-jia̍t ê înn-khuân pinn
實在真趣味
si̍t-tsāi tsin tshù-bī
毋管欲啉咖啡
m̄-kuán bueh lim ka-pi
抑是食料理
ia̍h-sī tsia̍h liāu-lí
全部是由你主意
tsuân-pōo sī iû lí tsú-ì
欲食啥物隨在你
bueh tsia̍h siánn-mih suî-tsāi lí
請你著毋通客氣
tshiánn lí tio̍h m̄-thang kheh-khì
盡量食落去
tsīn-liōng tsia̍h–lo̍h-khì
欸~冰店的彼个小姐
eh~ ping-tiàm ê hit ê sió-tsiá
講話使目尾
kóng-uē sái-ba̍k-bé
人人為伊痴迷
lâng-lâng uī i tshi-bê
看著真笑詼
khuànn-tio̍h tsin tshiò-khe
