熟似毋著時
《熟似毋著時》Si̍k-sāi M̄-tio̍h Sî
尤雅Iû Ngá
——————————————
雖然你無講出喙
sui-jiân lí bô kóng tshut-tshuì
我也了解你心意
guá iā liáu-kái lí sim-ì
我無欠你
guá bô khiàm lí
你無欠我
lí bô khiàm guá
何必情深放袂離
hô-pit tsîng tshim pàng buē-lī
我請你毋通
guá tshiánn lí m̄-thang
怪我無情佮無義
khuài guá bô-tsîng kah bô-gī
只怪咱雙人
tsí kuàni lán siang-lâng
這陣熟似毋著時
tsit-tsūn si̍k-sāi m̄-tio̍h sî
啊~咱是純純的友誼
ah~ lán sī sûn-sûn ê iú-gî
我袂違背我情義
guá buē uî-puē guá tsîng-gī
請你將我放袂記
tshiánn lí tsiong guá pàng-buē-kì
因為歹勢拒絕你
in-uī pháinn-sè kī-tsua̍t lí
勉強佮你再相見
bián-kióng kah lí tsài sann-kìnn
我無騙你
guá bô phiàn lí
你無騙我
lí bô phiàn guá
何必情絲斷袂離
hô-pit tsîng-si tuān buē-lī
希望你毋通
hi-bāng lí m̄-thang
為我傷心來失志
uī guá siong-sim lâi sit-tsì
只怪咱雙人
tsí kuài lán siang-lâng
這陣熟似毋著時
tsit-tsūn si̍k-sāi m̄-tio̍h sî
啊~相逢何必結連理
ah~ siong-hông hô-pit kiat-liân-lí
對我關懷的情意
tuì guá kuan-huâi ê tsîng-ì
我也深深感謝你
guá iā tshim-tshim kám-siā lí
