浪漫外紀
《浪漫外紀》Lōng-bān Guē-kì
鬥鬧熱走唱隊Tàu-lāu-jia̍t Tsáu-tshiàng-tuī
——————————————
人阮生性浪漫好名聲
lâng gún senn-sìng lōng-bān hó miâ-siann
毋通叫阮是死鱸鰻
m̄-thang kiò gún sī sí lôo-muâ
出來教示毋成囝
tshut-lâi kà-sī m̄-tsiânn-kiánn
清氣土地欲予人看啦
tshing-khì thóo-tē beh hōo-lâng khuànn–lah
–
溪邊彼逝竹排仔有覕人
khe-pinn hit tsuā tik-pâi-á ū bih lâng
欲閃避日本警察的法律縫
beh siám-pī ji̍t-pún kíng-tshat ê huat-lu̍t phāng
伊是庄內出名的鱸鰻工
i sī tsng-lāi tshut-miâ ê lôo-muâ kang
歡喜便做
huann-hí piān tsuè
毋願也免相嫌
m̄-guān iā bián sio-hiâm
伊的拳頭拇搦真牢
i ê kûn-thâu-bú la̍k tsin tiâu
有咱祖公仔勇敢的火候
ū lán tsóo-kong-á ióng-kám ê hué-hāu
有恩報恩情理夠
ū un pò-un tsîng-lí kàu
無仇逐家相看照
bô siû ta̍k-ke sio khuànn-tsiàu
講著捙拚
kóng-tio̍h tshia-piànn
看啥人較?
khuànn siánn-lâng khah gâu
—
大尾鱸鰻
tuā-bué lôo-muâ
上蓋重義氣
siōng-kài tiōng gī-khì
細尾的有難
sè-bué–ê ū lān
咱著幫贊伊
lán tio̍h pang-tsān i
戴帽仔的阿本仔
tì-bō-á–ê A-pún-á
囂俳是一時
hiau-pai sī tsi̍t-sî
度過風颱大雨
tōo-kuè hong-thai tuā-hōo
咱就出頭天
lán tiō tshut-thâu-thinn
