少女悲歌
《少女悲歌》Siàu-lú Pi-kua
尤雅Iû Ngá
——————————————
夜靜春風吹柳枝
iā-tsīng tshun-hong tshue liú-ki
花芳鳥吟詩
hue phang tsiáu gîm-si
夜景引動阮心意
iā-kíng ín-tōng gún sim-ì
想起早當時
siūnn-khí tsá-tong-sî
啊~春宵暝
ah~ tshun-siau mî
有哥哪袂得相見
ū ko ná buē-tit sann-kìnn
阮是有情佮有義
gún sī ū-tsîng kah ū-gī
孤單又稀微
koo-tuann iū hi-bî
彼時天星伴月圓
hit-sî thinn-tshinn phuānn ge̍h-înn
今夜阮稀微
kim-iā gún hi-bî
光陰如水流袂離
kong-im jû tsuí lâu buē-lī
轉眼又一年
tsuán-gán iū tsi̍t-nî
啊~春宵暝
ah~ tshun-siau mî
看月娘空空相思
khuànn ge̍h-niû khang-khang siunn-si
冷淡無伴暗傷悲
líng-tām bô-phuānn àm siong-pi
何時通相見
hô-sî thang sann-kìnn
