倡門賢母
《倡
門賢母》Tshiong-bûn Hiân-bú
純純Sûn-sûn(劉清香Lâu Tshing-hiong)
——————————————
倡妓賣笑面歡喜
tshiong-ki buē-tshiò bīn huann-hí
哀怨在內心傷悲
ai-uàn tsāi-lāi sim siong-pi
妙英為囝來所致
Miāu-ing uī kiánn lâi sóo-tì
寡婦墜落煙花坑
kuá-hū tuī-lo̍h ian-hua khinn
門風毋顧來做犧牲
mn̂g-hong m̄-kòo lâi tsò hi-sing
望囝將來會光明
bāng kiánn tsiong-lâi ē kong-bîng
踏入嫖院雖不正
ta̍h-ji̍p phiâu-īnn sui put-tsìng
家庭義務是正經
ka-tîng gī-bū sī tsìng-king
賢能模範蓋世稀
hiân-lîng bôo-huān kài-sè hi
出生入死為囝兒
tshut-sing ji̍p-sí uī kiánn-jî
可惜小鳳無曉理
khó-sioh Sió-hōng bô hiáu-lí
反責怹母做毋是
píng tsik in bú tsò-m̄-sī
母心愛囝是天性
bú-sim ài kiánn sī thian-sìng
艱難受苦損自身
kan-lân siū-khóo sún tsū-sin
教子有方人可敬
kàu-tsú iú-hong lâng khó-kìng
倡門賢母李妙英
tshiong-bûn hiân-bú Lí Biāu-ing
